🍎 蘋果動新聞 @ 程芷渝
【沉迷網交】R小姐爆城城晚晚都要...Send相佢睇 -
http://s.nextmedia.com/realtime/a.php?i=20141231&s=7018882&a=53285721
左邊呢位係Milla...即係M小姐程芷渝
自從同熊黛林分手之後，郭富城就「回春」，不斷被爆上網結識o靚模，全部都唔過25歲，最近仲被一位曾經留學日本嘅R大爆疑似調情錄音同短訊，直指城城鐘意同一招o氹o靚模返寓所，包括其好姊妹M小姐，而M小姐係邊個，一直都係估估下。
R小姐近日再接受周刊訪問，問佢點解知道城城同M小姐搭上，佢話好姐妹Show過短訊俾佢睇，同send比自己嗰啲係一模一樣，回想起仲覺得自己好蠢咁話:「佢(城城)要求多多，晚晚要我send相俾佢，要聽我把聲，我都滿足佢，以為真係有機會同佢發展。」又話o依家同城城已經互相block咗，而問到究竟M小姐係邊個，佢就話係姓程，周刊就表示M小姐就係同星爺傳過緋聞嘅O靚模程芷渝(Milla)。
周刊又訪問咗Milla，佢直認同城城喺一個公開活動識，交換咗電話，不過暗寸城城「交遊廣闊」話，問佢城城有冇約過佢出去，佢話:「佢咁長...個電話list，排隊都未到我啦。」又話佢識咁多來自世界各地嘅女仔，都可能唔記得佢。
Search